د قربانۍ له اختر سره په یووخت د رمي جمرات مناسک ترسره شول
ایکنانیوز د الجزیره له قوله را پور راکړ،له احرام او طواف، سعي ، ترویه او د عرفې په غرۀ کې له وقوف وروسته حاجیان پرون په یکشنبې ورځې منا ته په کاڼو سره د شیطان د ویشتو لپاره ،یعني د دحج د مناسکو ترټولو وروستي عمل ترسره کړ او د قرباني د نیکمرغه اختر لومړنۍ ورځ ئې ولمانځله.
د یکشنبې په ورځې سهار وختي حاجیانو له مکې سره نزدې منا وادئ په لور حرکت پیل کړ څو رمي جمرات عمل یعني درو واړو شیطانانو د ویشتو لپاره په مزدلفه کې سره غونډ شول . بیا بیرته مکې ته بیرته ستنۀ شول څو خپله قرباني هم ترسره کړي او په جامع جومات کې د وداع طواف هم وکړي.
حاجیانو د شنبې په شپه د لمانځه له ادا کولو او د قرآن کریم له تلاؤت وروسته په عرفات صحرا کې د ۴۶ درجې په تودوخې کې د شیطان د ویشتلو لپاره کاڼي غونډ کړل او شپه ئې د منا په څو کلومیټرۍ کې په مزدلفه دښتې کې تیره کړه.
د شیطان د سنګسار کولو دستورې د قربانۍ داختر په ورځ ترسره کیږي او حاجیان معمولا پسونه قرباني کوي او غوښه ئې د قربانۍ په توګه په اړمنو کې ویشي.
د سعودي عربستان د چارواکو په وینا، د حج په دستورو کې له نورو هیوادونو څخه د یو اعشاریه شپږمیلیون حاجیانو پشمول ټول کابو یو اعشاریه اته میلیون حاجیان سره غونډ شول. په ۲۰۱۹ کال کې د حاجیانو شمیر څه دپاسه دوه اعشاریه پنخه میلیون کسان ؤ چې په کرونائي بحران پسې په پیل کې د حج دستورې تر یوه کال پورې ودریدې او وروسته سوکه سوکه د روغتیائی اصولو په رعایتولو سره او د حاجیانو دشمیر په محدودیّت سره بیرته پیل شو.
